Migrazioa

Jaurlaritzak migratzaileentzako zentro berri bat irekiko du Oñatin

Iraileko bigarren hamabostaldian zabalduko dute, eta ehun pertsona hartzeko tokia izango du.

Migratzaile talde bat, Bilbon, Harrera Sareak antolatutako elkartasun gosari batean, irailaren 2an. /
Migratzaile talde bat, Bilbon, Harrera Sareak antolatutako elkartasun gosari batean, irailaren 2an. / Aritz Loiola/Foku

Berria -

2018ko irailak 12

Eusko Jaurlaritzak zentro berri bat irekiko du Arabara, Bizkaira eta Gipuzkoara iristen diren migratzaileei lehen arreta zerbitzua eskaintzeko. Zentroa Oñatin (Gipuzkoa) zabalduko du, eta ehun pertsona hartzeko ahala izango du. Plaza kopurua handitu egin daiteke salbuespenezko egoeretan. Zerbitzua kudeatzeko arduradunak, berriz, CEAR Euskadi elkartea eta Jaurlaritzaren Giza Eskubide, Bizikidetza eta Lankidetzaren idazkaritza nagusia izango dira, eta Lan eta Gizarte Politika sailarekin arituko dira elkarlanean. Horrez gain, kudeaketan parte hartuko dute Oñatiko Udalak eta Gipuzkoako Foru Aldundiak, baita errefuxiatuei eta migratzaileei laguntza eskaintzeko jarduten duten tokiko elkarteek ere.

Eusko Jaurlaritzak ohar bidez azaldu duenez, zentroak ostatu emango die asilo eskaria eskatu duten edota beren egoera argitzeko zain diren migratzaileei. Salbuespen egoeretan, egoitzak aukera izango du zaurgarritasun egoeran dauden migratzaileak ere hartzeko. Gehienez, hiru hilabetez hartu ahalko dute babes zentroko erabiltzaileek. Dena den, epe hori irizpide teknikoen arabera murritz edo luza daitekeela argitu du Jaurlaritzak.

Jaurlaritzaren esanetan, proiektuarekin, migratzaile askok duten "babesgabetasun egoerari erantzun" nahi zaio, eta beren "oinarrizko beharrak" betetzeko aukera erraztu, "bizi duten egoerarentzako neurri bideragarriak eta egonkorrak" bilatzen diren bitartean.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna