Hondarribiko alardea

"Ez zen festa bizitzeko beste modu bat, eraso argia izan zen"

Asteburuko eraso eta irainen harira, instituzioei dei egin die Jaizkibelek, konponbide eske: "Ez gaude prest larunbatekoa berriz bizitzeko".

Jaizkibelen agerraldia. /
Jaizkibelen agerraldia. / Foku

Arantxa Iraola -

2018ko irailak 13

"Larunbatean, Hondarribian, emakumeon parte hartzea aldarrikatzen duen konpainia batek Kale Nagusiko ibilbidea egin zuen, eta beste aldean, plastiko beltzen itzalpean, guri eraso egin zigun jendea egon zen. Ez zen festa bizitzeko beste modu bat, eraso argi eta garbia izan zen". Ezin da larunbat honetan herriko jaietan jasan zuten erasoa zuritzeko hitzik erabili, Jaizkibel konpainiaren arabera. Herriko jaietan irteten den alardeko konpainia parekide bakarra dira, eta desfile parekideren aldarriarekin hasi zirenetik —orain 22 urte—, eraso eta arbuio asko jasan behar izan dituzte. Iragan asteburuan aurreko urteetan baino gordinagoak izan dira, eta “aski da” esateko elkartu dira gaur konpainiako ordezkariak prentsaurreko batean.

Gatazka lehertu zenetik instituzio askok beste aldera begira jardun dutela deitoratu dute. "Urteak dira gure kontrako erasoak eten ez direla, eta urteak dira normaltasuna omen zegoela zioten instituzioen urteroko mezuak irakurri behar izan ditugula". Horregatik, bilerak nahi dituzte erakundeekin, lehenbailehen  egiteko: "Ezin dugu datorren urteko irailera itxaron". Eta lau agintariri egin diete, propio, deia: Eusko Jaurlaritzako lehendakari Iñigo Urkulluri, Gipuzkoako ahaldun nagusi Markel Olanori, Hondarribiko alkate Txomin Sagarzazuri eta Eusko Jaurlaritzako Segurtasun sailburu Estefania Beltran de Herediari. Solaserako prest daudela esan dute, baina ez haien aldarria bazterrean uzteko. "Ez dugu onartuko konponbidearen izenean gu ez ikusteko proposamenak mahai gainean egotea. Erasoak saihesteko eskubideen gauzatzea alde batera utzi behar dugu orain?".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna