Lan istripua

Langile bat hil da Ondarroan, laugarren solairu batetik erorita

Ondarroako Artabide kalean obratan zegoen eraikin batean jazo da ezbeharra.

Lan istripuen kontrako elkarretaratze bat. Artxiboko irudia. JUAN CARLOS RUIZ, FOKU
Irune Lasa.
2018ko irailaren 14a
09:48
Entzun

SOS Deiek jakinarazi dutenez, behargin bat hil da gaur goizean Ondarroan. Langilea Artabide kaleko etxe batean ari zen lanean, obrara beharrezko materialak igotzen. Laugarren solairu parean zegoela, argitu ez diren arrazoiengatik, kalera jausi da. 10:50ak aldera izan da ezbeharra.

Eusko Jaurlaritzako Segurtasun sailak jakinarazi duenez, hildakoa 46 urteko gizonezkoa da.

Istripua gertatu ondoren, Ertzaintza eta zerbitzu medikuak bertaratu dira. Behargina suspertzen saiatu dira, baina ez dute lortu.

Elkarretaratzea

ELA, LAB, Steilas, EHNE eta Hiru sindikatuek lan istripua salatzeko elkarretaratzera deitu dute, datorren astearterako, Ondarroako Alamedan.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.