URTE POLITIKOA

"Jarduera politikorako garai zailak" iragarri ditu Urkulluk

EAJko legebiltzarkideek urte politikoa abiatzeko bilera egin dute.

EAJren talde politikoa, Andoni Ortuzar eta Iñigo Urkullurekin.
EAJren talde politikoa, Andoni Ortuzar eta Iñigo Urkullurekin. / EAJ

Berria -

2018ko irailak 14

Andoni Ortuzar EAJko Euzkadi Buru Batzarreko presidentea eta Iñigo Urkullu Eusko Jaurlaritzako lehendakaria Eusko Legebiltzarreko EAJko hautetsiekin batzartu dira, urte politikoari buruzko irakurketa partekatzeko.

Bertan, Urkulluk ohartarazi du “jarduera politikorako garai zailak” izango direla datozen hilabeteak, eta “pazientzia demokratikoa” eskatu du: “Legealdiko bigarren zatian sartu gara. Ez da erosoa izango, maiatzean hauteskundeak izango direlako. Giroa aldrebestu egingo da, eta horrek zailtasunak ekarriko ditu”.

2016an legealdiari ekin zionetik, Urkulluk zuzendutako jaurlaritzak urtero atera ditu aurrera aurrekontuak, EAJ eta PSE-EE gobernuko bazkideen babesari eta PPri esker. Joan den ekainean, ordea, EAJk babestu egin zuen Mariano Rajoy Espainiako gobernuburu ohiaren aurkako zentsura mozioa, eta ikusteke dago PPk zein jarrera hartuko duen EAJrekiko aurrekontuen eztabaidan. EAJk eta PSE-EEk 37 legebiltzarkide dauzkate, gehiengo absolutua izateko beharrezkoak direnak baino bat gutxiago.

Ortuzarrek helburutzat jarri du “alderdi politiko guztiekin eremu guztietan akordioak lortzea”; besteak beste, 2019ko aurrekontuetan. Ortuzarren hitzetan, egungo egoera politikoak “ez du lana erraztuko”, baina ez “aurrekontuak aurreko urteetakoak baino hobeak edo eskasagoak izateagatik”, oposizioko alderdiei eragiten dieten“legebiltzarraz haragoko kontuengatik” baizik.

Autogobernuaren alorrean ere “lanerako konpromisoa eta akordiorako borondatea” azaldu du Ortuzarrek: “Erronka hori hemendik zortzi hilabetera iritsiko da, aditu-taldeak testu artikulatua aurkezten duenean, Autogobernu Ponentzia osatzen duten alderdiek eskatu bezala”.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Jendea maskararekin, Ordizian. ©JON URBE / FOKU

Maskara derrigorrez erabili behar da Europako zenbait herrialdetan

Oihane Puertas Ramirez

COVID-19ari aurre egiteko maskararen erabilera derrigortu dute herrialde batzuek, eta 100 euroko isunak ere jarri dituzte indarrean.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, lau kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Bihar hasiko dira PCR probak egiten herrian. Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna