Azpiegiturak

Ireki dute Ermuko saihesbidearen azken zatia

Saihesbide osoa irekita, egunero 9.000 ibilgailu gutxiago ibiliko dira Ermuko kaleetatik; horietako asko, kamioiak.

Ermuko saihesbideko sarreretako bat
Ermuko saihesbideko sarreretako bat Marisol Ramirez / Foku

Ibai Maruri Bilbao -

2018ko irailak 17

Unai Rementeria Bizkaiko ahaldun nagusiak eman du berria, goizean Ermura egindako bisitan. Joan den urtarrilean irekiko zuten lehen zatia, Uretamendiko tunela eta AP-8a lotzen dituena. Gaur irekiko den bigarren zatiarekin saihesbide osoa eginda egongo da. San Lorentzo biribilgunean Eibarko (Gipuzkoa) saihesbidearekin lotuko da. Hartara, eskualdean AP-8ra sartu gura dutenek, ez dute Ermuko erdigunetik igaro beharko. Azpiegitura honi esker, egunero 9.000 ibilgailu gutxiago igaroko dira. Horietako asko kamioiak izango dira. "Gaur Ermua atzo baino apur bat hobea da. Bizkaia bera atzo baino apur bat hobea da. Gaur Ermuko herritarren bizi-kalitatea puntu batzuk igotzea  lortu da", esan du Rementeriak. Ermuarren aspaldiko aldarrikapena izan da saihesbidea. 

Saihesbidea Ermua eta Zaldibarreko lurretan eraiki da. Lau kilometro eta 75 metroko ibilbidea dauka, herriko sarrerako bidesariak ordaintzeko gaur egungo kabinak ordeztu ondoren AP-8 autobidearekiko lotune berria kontutan hartuta.  Obra konplexua dela esan du ahaldun nagusiak. 2014an hasi zuten. 74 milioi euroko inbertsioa egin du diputazioak. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna