Osakidetzako oposizioak

Osakidetzak ez du beste azterketarik errepikatuko

Lan eskaintza publikoan salatutako irregulartasunen harira, zortzi espezialitatetako etsaminak aztertu ditu Jaurlaritzak; uztailean jakinarazi zuen hiru azterketa errepikatuko zituela, baina gaur iragarri du gainerako prozesuek aurrera jarraituko dutela. 

Maria Jesus Mujika, Osakidetzako zuzendari nagusia, ondorioen berri ematen. JAIZKI FONTANEDA / FOKU
2018ko irailaren 17a
07:29
Entzun

Osakidetzako zuzendari nagusi Maria Jesus Mujikak jakinarazi du Digestio Aparatuko, Medikuntza Intentsiboko eta Urologiako kategorietako etsaminak aztertu dituztela, eta ondorioztatu dutela ez dela irregulartasunik izan —ondorio berdinera iritsi ziren udan Kirurgia Plastiko eta Konpontzaileko probekin—. Beraz, prozedurekin aurrera jarraitzea erabaki dute, azterketarik errepikatu gabe. Traumatologia espezialitateko hautaprobak, berriz, behin-behinean geldiarazi dituzte, eta epaimahaiko sei kideri txosten informatibo bat ireki diete, bilera bat egiteagatik dei formalik egin gabe. Hortaz, hiru espezialitatetako probak baino ez dituzte errepikatuko: Kardiologia, Anestesia eta Angiologia.  

Mujikak argitu du oposizioetako jarraipen batzordearen informazio guztia Arartekora eta Fiskaltzara igorriko dutela, eta nabarmendu du Osakidetzaren helburua izan dela "lan eskaintza publiko honi berme guztiekin eta erabateko gardentasunarekin amaiera ematea".

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.