Umorez hartu dute batzuek, ironiaz. Kritika seriorako ere bai, beste batzuek. Alfredo Retortilloren esku dagoen Turismo Sailak aurten ateratako eskuliburuetako batek Espainiaren erdi aldean kokatu ditu Araba, Bizkaia eta Gipuzkoa. "Castilla la Vasca" deitu dionik bada, eta baita "gora cuenca" oihukatu duenik ere.
Castilla La Vasca pic.twitter.com/z75dyM6WOl
— ↗ï¸ÂÂÂÂÂGalder Gonzalez↙ï¸Â (@theklaneh) 2018(e)ko irailaren 17(a)
GORA CUENCA! pic.twitter.com/gIePGO12rw
— Eñaut Etxebarri (@EnautEtxebarri) 2018(e)ko irailaren 17(a)
Letra txikiari begira jarrita, galdera bota du Martin Kittok. Argazkian ikusten da eskuliburu horrek bigarren edizioa duela, eta aurrenekoaren irudi berbera ote den galdetu du. Alegia, eskuliburua berritzerakoan akatsa errepikatu duten, edo lehen ondo zegoena jarri duten gaizki orain.
Behealdean jartzen du 2. edizioa dela. Aurrekoan ere gaizki zegoen eta ez dute zuzendu? Edo lehenengoan ondo zegoen eta orain mugitu egin gara?#Sinestezinapic.twitter.com/r3LBuK6Nms
— Martin Kitto (@martin_kitto) 2018(e)ko irailaren 17(a)
Eta Iñigo Landak erantzun dio. Aurreko edizioaren argazki bat eta aurtengoarena jarri ditu parean. Han ikusten da lehen geogafrikoki ondo kokatuta zeudela hiru lurraldeak, eta orain aldatu dituztela lekuz. Eta ez hori bakarrik, "Donostia" euskarazko adiera desagertu egin da aurtengoan. Lehen "Donostia - San Sebastian" jartzen zuen tokian "San Sebastian" bakarrik jartzen du orain.
Entre 2016 y 2018 Euskadi parece haberse desplazado hasta Cuenca, no??? ;-) Échale un ojo a ésto @a_retortillo ... pic.twitter.com/sbHgiK8ESH
— Iñigo Landa (@inigolanda) 2018(e)ko irailaren 17(a)
Hiru lurraldeak Europako mapan kokatzeko egin duten borobila itsasorik ere ez dagoen leku batean jarri dute. Itsasoaren gabeziak hutsa nabarmen uzten duela salatu dute hainbatek.
Barrukoa ez dut ikusi, baina itsasoa agertzen bada irudietan (eta agertuko da) eta sasimapa hori ikusita... Kanpoko turista izango banintz, ondorio larriak aterako nituzke sinesgarritasunari buruz edota egilearen osasun psikiatrikoari buruz.
— Jordi ИдигоÑ€аÑ (@DoneztebeArizti) 2018(e)ko irailaren 17(a)
Eta Basque Country izenaren azpian zazpi lurraldeak jarri beharrean Araba, Bizkai eta Gipuzkoa bakarrik jartzea ere salatu dute hainbatek.
Umorerako biderik ez diot ikusten iragarki honi. Borobil gorriaren kokapena ez da akatsa, zoritxarrez. Ongi islatzen du hori egin dutenen pentsamendua: pic.twitter.com/OhKFzyJ75A
— Eneko Bidegain (@enekobidegain) 2018(e)ko irailaren 18(a)
Antza, Basque Country hiru probintzia ziztrin irudikatzen dituen mapa zuloduna izatea ez da eskandalua #Txapeldunak#HalaxeGatxink
— NB (@negukobaratza) 2018(e)ko irailaren 17(a)
Ez dira asaldatzenn mapak gure herria zatitzen duelako.
— Iñaki Amorrortu (@amorrortuin) 2018(e)ko irailaren 17(a)
Ez dira haserretzen espainiar instituzio batek euskal herriaren ordezkaritza irudikatu nahi duelako.
Azala interesatzen zaie, mamiaz paso. #Kolaboak
https://t.co/tbAHjsM0OI
