Erraustegia

Ertzaintzak indarrez geldiarazi du erraustegiaren aurkako martxa

Iraultza Txikien Akanpadaren amaieran omenaldia egin diete hura geldiarazi zutenei.

BERRIA

Berria -

2018ko irailak 23

Zubietako plazan bildu dira. Han zeuden ostiralaz geroztik Iraultza Txikien Akanpadako kideak, eta, hain zuzen ere, haren amaiera gisa zuten deitua manifestazioa. Aurrez, hala ere, omenaldia egin diete erraustegiaren lanak geldiarazi zituztenei. 

Ondoren, zuriz jantzita abiatu dira manifestariak mendian gora. Asko izan dira herritarrekin bat egin dutenak. "Errausketarik ez" oihuak izan dira nagusi bidean. 

Erraustegia eraikitzen ari diren eremura heldu direnerako, ordea, Ertzaintza zain zeukaten. Segurtasun Indarrek ez diete utzi manifestariei lanak egiten ari diren eremura sartzen, eta, haiek segitzeko ahalegina egin dutenean, indarrez egin diete aurre. Dena grabatzen ari zen kazetari bati kamera kentzen ere ahalegindu dira. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna