Noiz sortua: 2018-09-24 12:54:07

Donostiako 66. Zinemaldia

'Dantza' iritsi da Zinemaldira

Telmo Esnalek euskal dantzen inguruan egin duen filma aurkeztu du Sail Ofizialean, lehiatik kanpo.

Filmaren lan taldea, aurkezpenean. /
Filmaren lan taldea, aurkezpenean. / Juan Carlos Ruiz/Foku

Mikel Lizarralde -

2018ko irailak 24

Zinemagilea ez ezik dantzaria ere izanda, Telmo Esnalek (Zarautz, 1967) urteak zeramatzan euskal dantzen eta haien sinbologien gaineko filma egiteko ideiarekin, eta, azkeneko hiruzpalau urteetan, Koldobika Jauregi artistaren eta Juan Antonio Urbeltz folkloristaren laguntzarekin osatu du Dantza. Atzo eman zuten aurrenekoz eta arrakasta handiarekin filma Donostiako Zinemaldian, eta gaur eguerdian prentsaren aurrean azaldu dira Esnal, Jauregi eta Esnal, eta haien ondoan Marian Fernandez ekoizlea eta Gari Otamendi, Amaia Irigoien eta Ainara Ranera dantzariak.

"Urteak neramatzan pentsatzen dantzaren munduarekin zerbait egin behar genuela", aitortu du Esnalek bera. Ideia horretatik abiatuta, Jauregirekin lanean hasi, eta Urbeltzekin harremanetan jarri ziren, "dantzen atzean dagoen sinbologia" ezagutu nahian. "Ikusi genuen oso interesgarriak ziren hipotesi batzuk aurkezten zituela". Hortik abiatuta, Jauregi eta Esnal filma irudikatuz joan ziren, eta, artistak aitortu duenez, filmaren kromatismoa eta jantziak "pentsatzeko eta birpentsatzeko" denbora izan zuten, hasieran ez zutelako "euro bat bera ere" proiektua aurrera ateratzeko.

Dantzariek egindako lanaren aitorpen sentitua egin du Esnalek, eta, "aktore direla jakin gabe ere", aktore direla adierazi. "Ez agian aktoreak, baina bai interpreteak". Filmaketa haientzat gogorra izan dela gaineratu du. "Normalean ordu eta erdiz egiten dute dantza. Entseguetan eta emanaldietan. Guk egun batzuetan hamar orduz izan ditugu dantzan. Errepikatu eta errepikatu". Horri lotuta, begiradarekin sentimenduak transmititzearen zailtasuna nabarmendu du Ranerak. "Ni administraria naiz; ez aktorea!". Otamendik eta Irigoienek, berriz, esan dute esperientzia ezberdina izan dela, baina eroso sentitu direla dantzatzen zuten bitartean. "Plano gertukoetan pixka bat urduritu arren", gehitu du Irigoienek.

Zinemaldian Dantza ikusteko beste lau aukera izango da datozen egunetan. Gaur Viktoria Eugenian emango dute (22:15), Bihar Principe aretoetan (20:30), asteazkenean Principen (16:00), eta azkenik, larunbatean, Antiguo Berrin (18:30).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Iñigo Urkullu lehendakaria, bideokonferentzia batean. ©Irekia

Iñigo Urkulluk «normaltasunera bueltatzeko plan bat» eskatu du

Berria

Eusko Jaurlaritzako lehendakariak babesa adierazi dio Pedro Sanchez Espainiako Gobernuko presidenteak alarma egoera apirilaren 26ra arte luzatzeko egindako eskaerari. Ekonomiaren jarduera etetean «malgutasunez» jokatu izana eskertu dio.

Nafarroako erietxeko langileak, txalo jotzen, iragan asteazkenean. ©Idoia Zabaleta / Foku

Sanchez aztertzen ari da sintomarik gabeko gaixoak kiroldegietan bakartzea

Berria

Pedro Sanchezek bilera bat egin du autonomia erkidegoetako presidenteekin, eta azpiegituren zerrenda bat eskatu die hilaren 10erako, atzemandako kasu positibo asintomatikoak kokatzeko. Adierazi die milioi bat test banatuko dituela «detekzio goiztiarrerako».

Arnaldo Otegi EH Bilduko koordinatzaile nagusia, artxiboko argazki batean. ©Andoni Canellada / Foku

Otegirentzat, Moncloako Itun berriek «eskubide sozialak eta ekonomikoak urratzea» eragingo lukete

Berria

EH Bilduk astelehenean erabakiko du alarma egoera luzatzeari buruzko jarrera. Dena dela, orain artekoarekin «koherentea» izango dela esan du Arnaldo Otegik. Aurreko aldietan abstentziora jo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna