Donostiako 66. Zinemaldia

'In fabric'-ek Sail Ofiziala aztoratu du

Peter Strickland zinemagile ingelesak beldurra eta umorea uztartu ditu orain arte Donostiako Zinemaldian ikusitako film sailkaezinean

Donostiako Zinemaldia

Mikel Lizarralde -

2018ko irailak 25

Kultuzko zinemagilea bilakatu da Peter Strickland (Reading, Ingalaterra, 1973) Katalin Varga-rekin (2009) Berlinalen Zilarrezko Hartza irabazi zuenetik. Orduz geroztik, beste hiru film egin ditu, Berberian Sound Studio (2012), The Duke of Burgundy (2014) eta gaur Donostiako 66. Zinemaldiko Sail Ofizialean aurkeztu berri duen In Fabric. Hirurak film oso pertsonalak, zinemagile baten begirada erakusten dutenak.

In Fabric-en, Italiako giallo-aren estetika eta moldeak erabili ditu beldurra, umorea eta absurdoa uztartuz. Saltegi handi batzuetan dago girotua, merkealdi garaian, eta soineko gorri madarikatu baten urratsei jarraitzen die. Eskuz esku joango da, eta horrek janzten dutenen eta haien ingurukoen bizitzetan eragingo du.

Atzo prentsarako emanaldian oso harrera ona izan zuen filmak, eta gaur goizean Kursaaleko Kubo handian eman dutenean ere txaloz hartu dute ikusleek. Emanaldian zehar, baina, ikusle batek baino gehiagok alde egin du aretotik. Filma Urrezko Maskorra irabazteko lehiatzen da.

Gaur beste film bat aurkezten da Sail Ofizialean, Markus Schleinzerrek zuzendutako Austria eta Luxenburgoren arteko ekoizpena: Angelo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna