Enpresak

Langileek enpresen kudeaketan parte hartzeko eredu bat eskatu du Eusko Legebiltzarrak

Talde politikoek aho batez sostengatu dute Arizmendiarretaren Lagunen Elkartearen ez legezko proposamena.

Iker Aranburu -

2018ko irailak 27 13:24

Eusko Legebiltzarreko 75 diputatuek eskatu diote Eusko Jaurlaritzari ekintza plan bat egin dezala enpresa eredu inklusibo eta parte hartzailea sustatzeko. Horren bidez lortu nahi dute langileek esku hartze zuzena izatea enpresen kudeaketan, baina baita enpresaren kapitalean eta haren irabazietan ere.

Neurri praktikoen artean, eskatu dute langileek enpresaren kapitalari egindako ekarpenek zerga aringarriak izatea, BGAE pentsio osagarriek jasotzen dituzten modukoak.

Legebiltzarrak onartutako proposamenaren arabera, izen ona eman behar zaie langileen esku hartzea errazten duten enpresei, eta sari baten bidez egitea proposatu dute.

Arizmendiarretaren Lagunen Elkartearen proposamena da gaur Legebiltzarrak eztabaidatu eta onartutakoa. Hasieran, legezko proposamena egitea zen helburua, baina ez zuen lortu horretarako nahiko babesik.

Sindikatuak ez daude ados

Kooperatibaren munduak sustatutako ekinaldia ez dute oso begi onez hartu sindikatuek. "Ez dio heltzen langile klasearen ia benetako arazo bati ere: ez du aipatzen prekaritatea, ezta lan erreforma ere; ez da kezkatzen murrizketekin, ez soldaten aurkako erasoarekin", ziurtatu zuen atzo ELAk, agiri baten bidez. "Areago, enpresen zerga pribilegioak zabaldu nahi ditu".

Proposamenaren abiapuntua ez dela "egokia" dio, berriz, LABek: "Ez ditu auzitan jartzen egungo lan harreman eta enpresa eredua". Sindikatu horrek uste duenez, "egun Euskal Herriko enpresetan dagoen eredua guztiz kontrakoa da parte hartzailea eta inklusiboa den eredu batetik. Hiru zutabe nagusi ditu: prekaritatea, negoziazio kolektiboaren ukazioa eta patronalaren aldebakartasuna". Langileek enpresetan parte hartzea ekarriko lukeen eredu bat "ondo" ikusiko luke LABek, baina zenbait baldintza betez gero: erabakietan era erreal batean parte hartzea, irabaziak ere partekatzea, langileek akzioak modu kolektiboan erostea eta prekaritate eredutik aldentzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna