Indarkeria matxista

Bilbon sexu eraso bat ikertzen ari da Ertzaintza

Emakumezko batek salaketa jarri du, eta Jaurlaritzako Segurtasun Saila ikertzen ari da.

Sexu erasoen kontra Bilbon egindako elkarretaratze bat. ARITZ LOIOLA, FOKU
2018ko irailaren 28a
12:40
Entzun

Emakumezko batek salatu du sexu erasoa egin diotela Bilbon. Segurtasun Sailak baieztatu du ikerketa egiten ari direla. Atzo jarri zuen salaketa emakumezkoak, eta orduan abiatu du ikerketa Ertzaintzak.

El Correo egunkariaren arabera, emakumezkoa zerbait hartzen ari zen gizonezko batekin. Komunera joan zen, eta goizean kaleko jarleku batean esnatu zen. Bitarte horretan zer gertatu den ez da gogoratzen. Drogatu egingo zutela uste dute.

Bilboko Udalak "erabateko gaitzespena" azaldu du. Herritarrei eskatu die "zero tolerantzia" izateko erasoren bat ikusten dutenean, ez izateko "konplize". Udalak adierazpen instituzionala onartu du, eta esan du "integritate fisiko eta moralarekiko eraso larria" dela. Azpimarratu du halako erasoak "indarkeria matxistaren isla bat" besterik ez direla, eta ohartarazi du erasoak gizarteko alor askotan daudela, baita haiek guztiak salatzen dituela ere.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.