Bizipozaren jaia

Bizipozaren jaia ospatu dute Errenterian

Bizipoza osatzen duten 33 elkarteek stand-ak jarri dituzte Zumardian, haien buruak ezagutzera emateko.

Haur bat, tailerretako batean egindako muralari begira. /
Haur bat, tailerretako batean egindako muralari begira. / Maialen Andres/FOKU

Ane Zurutuza Irastorza -

2018ko irailak 29

Bizipozaren jaia ospatute gaur Errenterian (Gipuzkoa); Bizipoza elkartea osatzen duten 33 elkarteak ezagutzera emateko asmoz. Egun osoan zehar jolasak, tailerrak eta dantzaldiak izango dituzte. Elkarte horiek guztiek haurren eta familien ongizatea dute helburu. Errenteriako Juneren Hegoak eta Mindara elkarteekin batera antolatu dute jaia.

Bost gune ditu Bizipozaren jaiak: Elkartasuna gunean, Zumardian, elkarte bakoitzak bere gunea osatu du, egiten duten lana ezagutarazteko asmoz. Zumardian bertan daude, halaber, Irria eta Tximeleta guneak. Gernika plazan tailerrak eta puzgarriak jarri dituzte, eta Merkatuzarren bazkaria eman dute.

Egitarau oparoa osatu dute egunean zehar. Goizean, Irrien Lagunek Piko-piko jolasak egin dituzte bertaratutako familiekin. Eguerdian, Pirritx, Porrotx eta Marimototsek ikuskizuna egin dute, eta arratsaldean, dantzaldiaz gain, Go!azen-eko aktoreak izango dira bertan, haurrekin argazkiak ateratzeko.

Oiartzun Irratia eta Info7 irratia zuzenean aritu dira bertatik, eta banaka banaka, elkarte bakoitza haien gunetik pasa da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna