Zinemaldia

Irizar saria 'Oreina' filmarenzat

Koldo Almandozek zuzendutako pelikulak eraman du Euskal Herriko ekoizpen oneraren saria. Zuzendari Berriak sailean estreinatu dute, eta Hego Euskal Herriko hainbat aretotan ikus daiteke atzotik.

Laulad Ahmed Saleh aktorea, Oreina filmean
Laulad Ahmed Saleh aktorea, Oreina filmean

Urtzi Urkizu -

2018ko irailak 29

Euskal Zinemaren Irizar saria emango diote gaur gauean Oreina euskarazko filmari. Koldo Almandozek zuzendutako pelikula trantsizioez mintzo da; filmean nagusi dira identitate aldakorrak, joan-etorriko lekuak, espazio hibridoak... Duela bi aste hala esan zion Almandozek BERRIAri: «Narratiben eta eskuliburuen menpe egotea da zinemaren gaixotasunik handiena».

Zuzendari Berriak sailean estreinatu dute pelikula Zinemaldian. Edonola ere, dagoeneko ikusgai dago Gasteizko Florida eta Gorbeia zinema aretoetan, Bilboko Gollem Alhondigan, Bizkaiko Elorrio, Galdakao, Portugalete eta Zornotza herrietan, Gipuzkoako Arrasate, Azkoitia, Eibar, Errenteria, Irun, Zumaia eta Zumarraga herrietan, eta Iruñeko Golem Yamahuchi aretoetan.

Filmeko aktore protagonistak Patxi Bisquert, Ramon Agirre eta Laulad Ahmed Saleh dira. Asteartean, estreinaldi egunean, Zurriolako butaka saioan elkarrizketatu zituzten Bisquert eta Ahmed Saleh.

Bestetik, Raul de la Fuentek eta Damian Nenow zuzendarien Another day of life filmak Donostia Hiria Publikoaren Saria eraman du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna