Musika

Charles Aznavour hil da

Kantari frantziarra gaur hil da, 94 urterekin. 1940ko hamarkadan hasi zuen bere ibilbidea, eta, musikan ez ezik, zineman ere aritu zen.

Charles Aznavour, apirilean Bartzelonan emandako kontzertu batean
Charles Aznavour, apirilean Bartzelonan emandako kontzertu batean Quique Garci / EFE

Berria -

2018ko urriak 1

Parisen jaio zen Charles Aznavour, 1924an, armeniar jatorriko familia batean, eta 1940ko hamarkadan hasi zuen ibilbide artistikoa. Gerora, XX. mendeko kantari frantziar ospetsuenetakoa bilakatu zen, eta ospe handia lortu zuen mundu osoan.

Charles Aznavourrek, 70 urteko ibilbide artistikoan, mila berrehun abesti baino gehiago konposatu zituen, eta zortzi hizkuntza desberdinetan kantatu izuen. Guztira, 180 milioi diskotik gora saldu ditu mundu osoan zehar.

Musikak egin zuen ezagun, baina zineman ere aritu zen. Hala, Tirez sur le pianiste (François Truffaut, 1960, Un taxi pour Tobrouk ( Denys de La Patellière, 1961), eta Die Blechtrommel (Volker Schlöndorff, 1979) filmetan hartu zuen parte, besteak beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna