Ekonomia

Ekonomiako Nobel sariak, William Nordhausentzat eta Paul Romerrentzat

Bi sarituak estatubatuarrak dira. Nordahus klima aldaketaren ekonomian aitzindari izateateagatik da ezaguna. Romerrek, berriz, berrikuntza politikek hazkunde ekonomikoan duten eraginari buruzko ereduak landu ditu.

Ezker eskuin, Nordhausen eta Romerren ilustrazioak. NICLAS ELMEHED, @NOBELPRIZE
Irune Lasa.
2018ko urriaren 8a
07:11
Entzun

Hazkunde ekonomikoaren azterketan eta teorizazioan orain gutxi arte kontuan hartzen ez ziren aldagaiak integratzeagatik lortu dute gaur ekonomiako Nobel saria William Nordhaus eta Paul Romer irakasleek.

William Nordhaus ingurumen ekonomiaren sortzailetzat jotzen da. Kutsadurarekin eta berotegi  gasen isuriekin kezkatuta zegoenez, Nordhaus izan zen lehenetakoa hazkunde ekonomikoa ulertzeko ereduetan klima aldaketaren kanpokotasuna integratzen, horretarako fisika, kimika eta ekonomia alorreko emaitza enpirikoak erabiliz. Nordhausek landutako eredu horiek abiapuntu sendoak izan dira klimaren inguruko politikak ezartzeko, hala nola karbono dioxido isurien gaineko zergak eta eskubideak. Gaurko sariarekin, badirudi Nobel sariek keinu bat egin nahi izan dutela klima aldaketaren kontrako politiken alde. 

Paul Romer hasi zen ikertzen nola baldintzatzen duten ideia berriek eta berrikuntzak berak hazkunde ekonomikoa, hazkundearen eragile nagusia aurrerapen teknologiko soila zela uste zen garaian. Romerrek bere ereduekin erakutsi du ideiak ez direla ondasun eta zerbitzu arrunten modukoak, eta erakunde publikoek ideia berrien kopurua eta berrikuntza bera baldintzatu ditzaketela, adibidez, euren patente politikekin, epe luzerako bidezko hazkundea bera baldintzatuz.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.