Hezkuntza

'Herenegun' programa aurkeztu du Jaurlaritzak, eskoletan 1960-2018ko aroaz gogoetatzeko

Maite Alonsok azaldu du ikasmaterialen xedea dela ETAk iraun zuen aroari buruzko "pentsamendu kritikoa eta analitikoa" garatzea.

Ezenarro, Alonso eta Fernandez, materialaren aurkezpenean.
Ezenarro, Alonso eta Fernandez, materialaren aurkezpenean. / Jon O. Urain

Jon O. Urain -

2018ko urriak 11

Maite Alonso Jaurlaritzako Hezkuntza sailburuordeak, Jonan Fernandez Jaurlaritzako Bake eta Bizikidetza idazkariak eta Aintzane Ezenarro Gogora institutuko zuzendariak aurkeztu dituzte 'Herenegun' hezkuntza programaren materialak, Donostian.

Materialak 1960-2018ko aroa jorratuko du; hain justu, ETAren sorreratik erakunde hori desegiterainokoa. "Paraleloan" landu dituzte ETAren historia eta testuinguru soziopolitikoa, Fernandezen hitzetan: "Gizarteak ETA egonda ere aurrera egin zuen, baina baldintzatuta". Haren iritziz, "gertatutakoaz ikasteko" balio behar du materialak, "berriro errepika ez dadin". Horregatik, Fernandezek bi galderatan laburbildu du unitatearen espiritua: "Nola gertatu zen? Hainbeste sufrimendu, zertarako?".

Bost koaderno eta beste hainbeste dokumental prestatu dituzte, eta ikus-entzunezkoen aholkulari gisa aritu dira Mariano Ferrer, Mari Carmen Garmendia eta Juan Pablo Fusi. "Politikatik aldendutako soslaiak" bilatu dituzte, baina "zorrotzak" eta "pluralak".

Orain, Jaurlaritzak talde parlamentarioei, Eskola Kontseiluari eta beste eragile batzuei igorriko die dokumentazioa, ekarpenak egin ditzaten. Asmoa da esperientzia pilotu gisa ezartzea programa, indarrean dagoen ikasturtearen azken hiruhilekoan. Zortzi ikastetxetan egingo dute proba, eta ebaluatu ondoren erabakiko dute hezkuntza sare osora zabaltzen duten. Fernandezek azpimarratu du "berme" gisa ulertu behar dela hori, eta Jaurlaritza prest dagoela materiala "aberasteko". Prestatutako materiala "oso ona" dela uste badu ere ez baitu hura "inposatu" nahi.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna