frantzia

Jean Luc Melenchon Frantzia Intsumisoko buruaren etxea miatu du Poliziak

Ezkerreko Alderdiaren eta Frantzia Intsumisoaren egoitzetan ere sartu da Frantziako Polizia.

Jean-Luc Melenhon, artxiboko argazki batean. /
Jean-Luc Melenhon, artxiboko argazki batean. / Ian Langsdon/EFE

Ekhi Erremundegi Beloki -

2018ko urriak 16

Jean Luc Melenchon Frantziako Asanbleako diputatuak berak Facebooken argitaratu duen bideo baten bidez jakinarazi du, gaur goizean, Frantziako Polizia bere etxean sartu dela. Bi afera leporatzen dizkiote Jean Luc Melenchoni: Europako parlamentaria zen garaian, parlamentari laguntzaileak funtziorik gabe kontratatu izana, eta 2017ko presidentetzako hauteskundeen diruztatzean iruzurra egin izana. Bere kontrako ikerketa abiatua du Frantziako justiziak.

"Hara. Buru bitxia dudala irudituko zaizue. Gaur 07:00etatik nire etxean miaketa egiten ari direlako da. Ezkerreko Alderdiaren eta Frantzia Intsumisoaren egoitzak ere miatzen ari dira", erranez hasi du bideoa Melenchonek.

Pablo Iglesias Podemoseko idazkari nagusiak bere babesa adierazi dio sare sozialetan frantsesez, azpimarratuta Emmanuel Macron Frantziako presidentea bere gobernuko krisiari aurre egiten ari zaion garai berean gertatu dela polizia operazioa.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna