Pentsioak

Euskal emakume pentsiodunek Oneka plataforma aurkeztu dute

Arrakalarekin amaitzeko neurriak eskatu dituzte, eta 1.080 euroko pentsio duina aldarrikatu dute.

@LABSoziala

Karmele Uribesalgo Alzola -

2018ko urriak 17

Euskal emakume pentsiodunak elkartu eta pentsio duina lortzeko asmotan sortu da Oneka plataforma. Horretarako, Babes eta Gizarte Segurantzako Sistema kudeatu eta bideratuko duen organo bat sortzearen alde egingo dute. Emakumeen eta gizonen soldata eta pentsioen arteko arrakalarekin amaitzeko neurriak eskatu dituzte; horien artean, 1.080 euroko pentsio duina ere aldarrikatu dute. Izan ere, emakume pentsiodunen %75,3ak kopuru hori baino gutxiago jasotzen du. Europako Gutun Sozialaren irizpideak jarraituz egin dute eskakizuna.

Pobreziaren aurkako nazioarteko egunean egin dute plataformaren aurkezpena. Onekako kideek adierazi dutenez, haien pentsioa gizonezkoena baino "askoz ere baxuagoa" da, eta kasu askotan "pobrezian" bizitzera bideratzen ditu. "Bizitza osoan egindako lana, askotan ordaindutako lana izanda ere, kotizaziorik gabekoa da, eta ondorioz, eskubiderik gabekoa", azpimarratu dute.

Euskal Herriko pentsiodunen beste plataformekin eta feministen mugimenduarekin elkarlanean arituko direla gaineratu dute.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna