Aretoa bete da Aralarri buruzko filmaren aurkezpenean

Estreinatu dute Aralar, mundua leku den lurra dokumentala. BERRIAren bidez eskuratu ahal izango da.

Berria -

2018ko urriak 19

Goraino bete da Donostiako Principe aretoa Aralarko parke naturaleko txokoak ezagutzeko. Landarlan ingurumen elkarteak eta On Produkzioak etxeak osatu dute proiektua, elkarlanean. "Aralarren izaera eta gertutasuna islatu nahi izan dugu izenburu horrekin", azaldu zion BERRIAri zuzendarietako batek, Aloña Jauregik. Jendeak Aralarko parke naturala sakonago ezagutzea eta haren zaintzaren inguruan sentsibilizatzea nahi dute.

Osteguneko estreinaldiaren ondoren, beste hainbat aretotan egongo da ikusgai dokumentala: Beasainen, Ordizian, Iruñean, Tolosan, Zumarragan, Bilbon eta Hazparnen, besteak beste. Informazio guztia aralardokumentala.eus atarian jarri dute.

BERRIArekin eskuragarri

BERRIAren bitartez ere eskuratu ahal izango da dokumentala. Abenduaren 15ean eta 16an egunkariarekin batera banatuko da, digipack formatuan: dokumentala USB euskarrian eta Ramirezen soinu banda CD batean. Durangoko Azokan ere salgai izango du BERRIAk, eta emanaldietan eskuragarri izango da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Informazio osagarria