Gizartea

Otsoa espezie mehatxatuen katalogoan sartuko du Jaurlaritzak

Otsoen populazioa kudeatzeko plan bat onartu beharko du gobernuak.

Bi otso, artxiboko irudi batean
Bi otso, artxiboko irudi batean Ana Retamero Olmos

Berria -

2018ko urriak 22

Eusko Jaurlaritzako Ingurumen Sailak erabakia hartu du azkenean: desagertzeko arriskuan dauden espezieen EAEko katalogoan sartuko du otsoa. Hala eskatua zion Euskadiko Otsoa Taldeak 2015. urtetik, baina erantzunik jaso ez zuela eta, kexa bat jarri zuen Arartekoan; hala, 2017ko azaroan, auziari buruz ahalik eta azkarrena ebaztea gomendatu zion Arartekoak Jaurlaritzari. Ia urtebete geroago jakinarazi du Ingurumen Sailak otsoa espezie mehatxatuen katalogoan sartzeko prozedura abiatua duela. Horren ondorio nagusia izango da otso kopurua kudeatzeko plan bat onartzea.

Mugimendu ekologistak aspalditik du otsoaren populazioari buruzko kezka. Batez ere, Araban bizi izan da otsoa, baina otso kopurua jaitsiz joan da 1960ko hamarkadatik. Azken erroldek adierazi dute oso populazio murritza dagoela egun: 2016ko hasieran Karrantzan baino ez zuten otsorik atzeman; bi otso talde zeuden han.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna