Gizartea

SHESA desegiteko eskatu du EH Bilduk

Legez besteko proposamen bat aurkeztu du Eusko Legebiltzarrean, diru publikoa “xahutzeko” “putzu amaigabea” dela argudiatuta.

SHESAk Armentia-2 putzua zulatu nahi den eremua. RAUL BOGAJO / FOKU
Jon Rejado.
2018ko urriaren 26a
14:43
Entzun

Mikel Otero EH Bilduko legebiltzarkideak hainbat ekinbide aurkeztu ditu, SHESA Sociedad de Hidrocarburos de Euskadi enpresa publikoa desegiteko eskatzeko. Eusko Jaurlaritzaren ardurapean dagoen enpresa horrek 35 urte ditu, eta Oterok gogorarazi du bi hamarkada direla zundaketarik egiten ez duela. “SHESA, gaur egun, baliabide publikoetan baino ez da zulo bat egiten ari, zulo amaigabea”.

EH Bilduko legebiltzarkideak zenbait datu eman ditu. 2016. urtean 9 milioi euroko “zuloa” izan zuela azaldu du, eta, azken hamar urteetan, enpresa horretara aurrekontu publikotik 150 milioi euro bideratu direla gaineratu du. “Enpresa publiko batek funtzio sozial positiboa bete behar du, dirua galtzen badu, eta, kasu honetan, ez da ematen”. Halaber, gaineratu du enpresa horrek ez duela zentzurik energia berriztagarrietarako bilakaera bultzatzen ari den garaian.

Eusko Legebiltzarreko legez besteko proposamenaz gain, EH Bilduk iragarri du antzeko ekinbideak abiaraziko dituztela Araba, Bizkai eta Gipuzkoako Biltzar Nagusietan. SHESA desegiteko eskatzeko erabakia gasaren presentzia ikertzeko baimen berriaren ondorioz heldu dela hausnartu du Oterok. “Hidrokarburoen bilaketa Araban zegoen, baina orain Araba, Bizkai eta Gipuzkoa erdia dago ikerketa baimen horien barruan”.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.