Lau eta erdiko txapelketa

Lau eta erdiko txapelketako lehen finalaurrekoko pilotak aukeratu dituzte Altunak eta Bengoetxeak

Oinatz Bengoetxea kexu azaldu da pilota "motelak" eraman dituztelako aukeraketara. Jokin Altunak bi pilota "ezberdin" aukeratu ditu.

Altuna eta Bengoetxea, pilotak aukeratu ondotik./
Altuna eta Bengoetxea, pilotak aukeratu ondotik./ Idoia Zabaleta/FOKU

Ainhoa Larretxea Agirre -

2018ko urriak 30

Gaur goizean aukeratu dituzte Oinatz Begoetxea eta Jokin Altunak lau eta erdiko txapelketako lehen finalaurrekorako pilotak, Iruñeko Labrit pilotalekuan. Ikusmin handia sortu du aukeraketak, eta ehun lagunetik gora elkartu dira Labriten. Oso azkar aukeratu dituzte bi pilotariek finalaurrekoa jokatzeko bi pilotak.

Altunak Jon Apezetxea Aspeko intendenteak lagunduta egin du aukeraketa. Elkarren artean ezberdinak diren bi pilota aukeratu ditu Amezketarrak, bizia bat, motelagoa bestea. Lau eta erdikoan bi pilota bakarrik aukeratzen direnez, biak ezberdinak izatea "garrantzitsua" dela nabarmendu du amezketarrak. Finalerdietako pilotak txapelketa guztian ikusitakoen antzekoak direla adierazi du.

Bengoetxeak Ruben Beloki Asegarceko intendentearekin egin du aukeraketa. Aukeraketara eramandako pilotak "motelak" iruditu zaizkio goizuetarrari: "Pilota azkarragoak espero nituen. Tokea badaukate, baina nahiko motelak dira. Materiala partida zein den jakin baino lehen erabakitzen da, eta, beraz, ez dago kexarik".

Lau eta erdian elkarren aurka jokatuko duten hirugarren partida izanen da; aurreko hirurak Bengoetxeak irabazi ditu. Altuna lesio batetik osatu berri da, eta ikusi beharko da nola erantzuten duen. Minik gabe dagoela, baina jokorako “erritmoa” falta duela erran du pilotari amezketarrak.

Larunbatean jokatuko da lau eta erdiko lehen finalaurrekoa, 17:00etan hasita. Bigarrena, Joseba Ezkurdia eta Mikel Urrutikoetxearen artekoa, igandean jokatuko da, Bilboko Miribilla frontoian. Finala azaroaren 18an jokatuko dute, Iruñeko Nafarroa Arena pilotalekuan.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna