Albistea entzun

ETA-ren amaiera

774 hildako hartu ditu ETAk bere gain, azken 'Zutabe'-an

Gara egunkariak egin du publiko Euskadi Ta Askatasunaren eztabaida 2017-2018. Ondorio txostena. Espainiako Gobernuak eta biktima elkarte zenbaitek 853 hildako egotzi izan dizkiote. Jarduera armatua utzi eta desegiteko arrazoiak azaldu dituzte txostenean.

ETAren armagabetzearen osteko ekitaldia, Baionan.
ETAren armagabetzearen osteko ekitaldia, Baionan. Marisol Ramirez/Foku

Berria -

2018ko azaroak 6

"Hausnarketa estrategikoaren zergatiak eta, nazio askapen mugimenduaren berrantolaketaren baitan, ETAren ziklo eta misio historikoari amaiera emateko erabakiaren arrazoiak" jaso ditu ETAk bere azken eztabaida prozesuaren ondorioen txostenean. Gara egunkariak eta Naiz.eus agerkariak egin dute publiko txostena, eta, azaldu dutenez, bere azken Zutabe-an 774 hildako eta 2.606 ekintza armatu aitortu ditu erakunde armatuak —Zutabe aldizkariko azken zenbaki horren parte da Gara-k publiko egindako txostena—.

Hildakoen artean, orain arte aitortu gabeko bi gertakari azaldu dituzte: 1981ean Tolosan hildako hiru lagunen kasua —poliziekin nahasi zituztela esan dute—, eta Madrilen 1974an jarritako lehergailu batena —hamahiru lagun hil zituzten; "bik bakarrik zuten gertuko harremana DGS Segurtasunerako Zuzendaritza Nagusiarekin", adierazi dute—.

Publiko egindako txostenean, "ETAren ibilbide historikoa eta ekarpena" aztertu dituzte lehenik, eta "zikloaren eta estrategiaren aldaketan" izandako ibilbidea ere bai (2009 eta 2017 urteen artean). Tarte hori "trantsizio moduko bat" izan dela azaldu dute: "Prozesua modu konplexuan garatu da urteotan. Egia esan, iruditegi kolektiboan eraikitzen direnak baino prozesu konplexuagoak ekarri ohi ditu errealitateak. Euskal Herritik kanpo azken urteotan izandako esperientziak ikusi besterik ez dago. Guztiarekin ere, ETAk bere bide propioa egitea lortu du".

Erabakiaren "izaera estrategikoa"

Jarduera armatuan aritu diren urteetan "sortutako eta lortutako baldintzak" zerrendatu ditu ETAk; besteak beste, "Frankismoaren erreformatik eratorritako marko juridiko-politikoaren agortzea eta zilegitasun eza Euskal Herrian", "estatuen krisia eremu ezberdinetan", "erabakitzeko eskubidearen nagusitasuna"... Dena den, jardun armatua uzteko erabakia "estrategikoa" dela nabermendu dute: "Nazioarteko eragileen bitartez ETAk eta Espainiako Gobernuak finkatutako bide-orri bati lotuta hartu izan arren, borroka armatua uzteko erabakiak beste izaera bat zuen Erakundearentzat: estrategia politiko-militarretik estrategia politikora igarotzea, edozein bide-orriren gorabeheren gainetik ere".

"Egia ukaezintzat" jo du ETAk eztabaida eman zuten garaian "borroka armatua egiteko arrazoiek bere horretan segitzen zutela", baina argitu du "sortutako baldintzei modu egokienean eta eraginkorrenean erantzutea" zela helburua, eta "oso agerikoa" zela "gero eta bateraezinagoak" izango zirela jardun armatua eta "estrategia independentista garatzeko ezinbestekoa zen indar metaketa". "Borroka molde guztien osagarritasunaren printzipioa ezingo zen mantendu eta aldaketak erabatekoa beharko zuen izan".

Fase berria eta gatazkaren ondorioak

ETAren iritziz, "eskaintza independentista berritzeak eta independentziaren aldeko gehiengoa osatzeak izan behar dute ardatza" oraingo garai politikoan, "Euskal Herriaren askatasunaren aldeko borrokari beste bide batzuetatik jarraipena" emateko.

"Gatazkaren ondorioak" ere aipatu ditu ETAk, eta "estrategia inpdependentistaren baitan" kokatu du horien konponbidea. "Gatazkaren ondorioen kudeaketarako bestelako eredu adostu batek gauzak erraztuko lituzke, baina edonola, aurrerantzean ere zeregin horiek, ETA gabe, berme nahikorekin bideratzeko moduak izango direla uste dugu".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©Jaizki Fontaneda / Foku

Salbuespenezko espetxe politika amaitzeko eskatu du Egiari Zor-ek

Jone Bastida Alzuri

Aldarrikatu dutenez, beharrezkoa da aitortzea eta aintzat hartzea presoek eta haien senideek jasan dituzten biolentzia mota guztiak

 ©@PabloIglesias

Pablo Iglesias: «Demokrazia batek ezin du onartu torturak aplikatzea»

Lander Muñagorri Garmendia

'Non dago Mikel?' filmaren estreinaldian izan zen ostiralean Espainiako presidenteordea Irene Montero Berdintasun ministroarekin

Iñigo Urkullu, Beatriz Artolazabal eta Paco Etxeberria atzo, Bilbon. ©MONIKA DEL VALLE / FOKU

Gerran hildakoen 110 gorpu topatu dituzte Araban, Bizkaian eta Gipuzkoan

Gotzon Hermosilla

Jaurlaritzak aurkeztu du hobiak lokalizatu eta aztertzeko planaren balantzea. 27 baino ez dituzte identifikatu. Biktimen «duintasuna eta memoria» goratu dute

Josu Erkoreka Eusko Jaurlaritzako Segurtasun sailburua eta Fernando Grande-Marlaska Espainiako Barne ministroa, atzo. ©DAVID AGUILAR / EFE

Erkorekak eta Grande-Marlaskak Poliziaren jardunaz hitz egin dute

Maddi Ane Txoperena Iribarren Jon O. Urain

Lehendakariordea eta Espainiako Barne Ministroa espetxe eskumenen transferentziaz aritu dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna