Noiz sortua: 2018-11-13 07:12:29

HEZKUNTZA

EHUk zentro atxiki gisa onartuko du UEU, eta irakasle masterra 'online' emango du euskaraz

Eskari handiko masterra da, derrigorrezkoa baita Bigarren Hezkuntzako irakasle izateko. BERRIAk jakin duenez, 120 postu eskainiko dituzte Internet bidez ikasketak egiteko. Horretarako prozesua hasi du EHUk: UEUk sortutako institutua zentro atxiki gisa hartuko du.

EHUren Leioako campusa, artxiboko irudi batean.
EHUren Leioako campusa, artxiboko irudi batean. Marisol Ramirez/Foku

Garikoitz Goikoetxea -

2018ko azaroak 13

Euskarazko online heziketan urrats bat egingo dute EHU Euskal Herriko Unibertsitateak eta UEU Udako Euskal Unibertsitateak. EHUko gobernu kontseiluak bilera egin du, eta adostasun zabalez prozedura hasi du zentro atxiki gisa hartzeko UEUk online irakaskuntzarako sortutako institutua. Aldeko 31 boto izan ditu proposamenak, eta sei aurkako.

Nekane Balluerka errektoreak hauteskunde programan sartua zuen UEU zentro atxiki gisa hartzeko proposamena, eta, zehazki, irakasle izateko masterra eskaintzea online. EHU eta UEU gaur egun ere jarduten dira lankidetzan, graduondoak eskaintzen.

Denbora daramate irakasle masterraren egoera aztertzen bi aldeek. Eskari handikoa da irakasle masterra, derrigorra baita Bigarren Hezkuntzako irakasle izateko. EHUk 240 postu eskaintzen ditu, baina urtero 700-900 eskari jasotzen ditu. Horrek dakar, beraz, ikasle gehienak kanpoan geratzea; horietako asko beste unibertsitate batzuetara joaten dira masterra egitera, gehienetan erdaraz. BERRIAk jakin duenez, online irakaskuntzaren bidez, 120 postu eskainiko dituzte masterra egiteko, hiru espezialitatetan: hizkuntza eta literatura, humanitateak eta gizarte zientziak, eta natur zientziak eta matematika. Arlo horiek dute, hain justu ere, eskaririk handiena, unibertsitateko arduradunen esanetan.

Euskarazko online ikasketak garatzeko proposamen zabalagoa ere egina du UEUk, graduko ikasketak ere kontuan hartzen dituena, baina oraingoz ez dio horri atea ireki EHUk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna