Kontsumo prezioen indizea

Inflazioak %2,2an jarraitu du urrian

Erregaiei garestiagoek eutsi diote prezioen hazkundeari.

Irune Lasa -

2018ko azaroak 14

KPI kontsumo prezioen indizeak urte arteko %2,2ko hazkundeari eutsi dio Hego Euskal Herrian urria honetan, eta beraz, inflazio datua bera da hirugarren hilabetez jarraian. Garraioaren sektorea izan da indizeari bere horretan gehien eutsi diena. Erregai garestiagoek, hain zuzen, orekatu egin dute argindar merkeagoak eta aisialdiko prezio txikiagoek zekarten beheranzko joera.

Irailetik urrira, eguraldi aldaketa areagotzearekin batera, jantzi eta oinetakoak garestitu dira gehien, %8 Nafarroan eta %13tik gora Araban, Bizkaian eta Gipuzkoan.

Herrialdeka, Nafarroak izan du inflazio tasa handiena joan den hilabetean, %2,5ekoa. Bizkaian eta Gipuzkoan %2,2koa da tasa, eta Araban %2an gelditu da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna