Futbola

Eibarrek garaipen handia lortu du Real Madrilen aurka (3-0)

Jose Luis Mendilibarren taldeak hasi eta buka menderatu du norgehiagoka, eta zaleek gozatu ederra hartu dute

Ainara Arratibel Gascon -

2018ko azaroak 24

Golak: 1-0:  Escalantek (15.min.); 2-0: Enrichek (51. min.); 3-0: Kike Garciak (56. min.).

Aurretik jokatutako partidetan Real Madrili irabazi gabe zegoen Eibar. Bada, lortu du lehen garaipena; nola, gainera. Jose Luis Mendilibarren taldeak 3-0 hartu du mendean egungo Europako txapelduna Ipuruan; hasieratik bukaerara partida bikaina jokatuta, gainera. Irudi kaskarra eman du Real Madrilek, eta Courtoisen pare bat gelditurengatik izan ez balitz, alde handiagoz irabaziko zuen Eibarrek.

Mendilibarrenek atzealdean erakutsi ohi duten ordena izan dute, baina aldi berean ausart jokatu dute Orellana, Cucurella, Enrich eta Kikeren abiadura eta joko zuzena baliatuz. 15. minutuan hartu du aurre Eibarrek, Escalanteren gol bati esker. Baina aurretik Kikek baloi bat bidali du zutoinera. Lehen gol hori VARak baliatu behar izan du, Cucurella ez zegoela jokoz kanpo baieztatu eta gero. 

Golak are hauspo handiagoa eman dio Eibarri, baina nahiz eta jokoan nagusi izan, bigarren zatira arte ez du abantaila handitzea lortu.  51. minutuan izan da. Cucurellak ondo aprobetxatu du Odriozolaren akats bat, baloia Enrichi eman dio, eta hark area txikian ez du huts egin.

Garaipena bost minutu geroago biribildu dute gipuzkoarrek, Kike Garciaren eskutik, erdiraketa batean Varani aurre hartu eta gero. Abantaila handia izan arren, Eibarrek estutzen segitu du, eta gol gehiago lortu ez arren, ikuskizun ederra eskaini die zalei. Haiek ederki gozatu dute Hemezortzi punturekin Eibar Europako postuei begira jarri da.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna