Udal eta foru hauteskundeak

Abezia, Madariaga eta Valiente, Ahal Dugu-ren zerrendaburu Araban, Bizkaian eta Gipuzkoan

Behin betiko zerrendak Ahal Dugu-rekin batera udal eta foru hauteskundeetarako koalizioa osatuko duten indarren hautagaitzekin osatuko dira. Bozketarako izena eman dutenen %47k parte hartu dute zerrendaburuak hautatzeko prozesuan.

Arantxa Abecia Ahal Dugu-ren Arabako batzarkide taldeko bozeramailea, Arabako Batzar Nagusietako osoko bilkura batean, 2016ko abenduan. JUANAN RUIZ, FOKU
Gorka Berasategi Otamendi.
2018ko azaroaren 27a
14:18
Entzun

Udal eta foru hauteskundeetarako zein zerrendaburu hautatu dituen jakinarazi du, gaur, Araba, Bizkai eta Gipuzkoako Ahal Dugu-k, prentsaurrekoan. Hiru emakume aukeratu dituzte. Araban, Arantxa Abezia aukeratu dute aldundirako hautagai; Bizkaian, Eneritz Madariaga, eta Gipuzkoan, Maria Valiente.

Azken bi lurralde horietan hautagaitza bakarra izan da, eta %80tik gorako babesa lortu dute bi hautagaiek —%80,75ekoa Valientek eta %83,80koa Madariagak—. Araban, berriz, David Rodriguezen hautagaitzari gailendu zaio Abezia. %59,10eko babesa jaso du, eta %39,22koa Rodriguezek.

Guztira, 2.295 lagunek parte hartu dute Ahal Dugu-ren hauteskunde primarioetan. Izena eman dutela egiaztatutakoen %47k eman dute botoa.

Ahal Dugu-k argitu du aurrerago zehaztuko dutela udal eta foru hauteskundeetara aurkeztuko duen behin betiko zerrenda, koalizioa osatuko duten gainontzeko indarrekin batera.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.