Ikerketa

Bihar jakinaraziko dituzte '#TxioTesia4' lehiaketako irabazleak

33 ikerlarik hartu dute parte tesiak sei txiotan aurkezteko lehiaketan; gehienak, doktoregaiak. Bihar egingo dute sari banatze ekitaldia Bilboko Bira kultur gunean (19:00).

'#Txiotesia4' lehiaketaren sari banaketa ekitaldiko kartela.
'#Txiotesia4' lehiaketaren sari banaketa ekitaldiko kartela. UEU.

Berria -

2018ko azaroak 28

Azaroaren 20an egin zuten #TxioTesia4 lehiaketa Twitter sare sozialean, eta bihar banatuko dituzte sariak. Funtsean, sinplea da lehiaketaren oinarria: "Azaldu zuren tesia sei txiotan". Hori nola egin, norberaren gaitasunaren araberakoa da, noski. Bi sari daude jokoan: "txiolari ulergarrienari" (500€) ematen zaiona bata, eta "txiolari originalenari" (300€) dagokiona bigarrena.

Bilboko Bira kultur gunean egingo duten ekitaldian jakinaraziko dute epaimahaiaren erabakia, bihar, 19:00etan. Aurtengo edizioan 33 lagunek hartu dute parte —18 emakumek eta 15 gizonek—; %36 doktoreak dira, eta doktoregaiak gainerakoak. Antolatzaileek nabarmendu dutenez, jakintza eremu zabala biltzea lortu dute, arlo askotako tesiak azaldu baitituzte parte hartzaileek.

Horra aurten aurkeztutako txio-tesi batzuk:

Parte hartzaile guztien txio-kateak sarean daude ikusgai.