Albistea entzun

Bizkaiko Bertsolari Txapelketa

Jone Uria ere, finalera zuzenean

Lekeitioko Santi Brouard pilotalekua goraino bete dute bertsozaleek, txapelketako azken finalaurrekoa ikusteko. Uriaz gain, Etxahun Lekue ere finalerako sailkatu da gaurko saioan.

Berria -

2018ko abenduak 1

Bizkaiko Bertsolari Txapelketako hirugarren eta azken finalaurrekoa jokatu dute gaur Lekeitioko Santi Brouard pilotalekuan, eta Jone Uriak jaso ditu puntu gehien: 508,5. Horrekin, finaleko aulki bat eskuratu du zuzenean, Miren Amurizak eta Nerea Ibarzabalek aurreko finalaurrekoetan egin bezala.

Uriaren atzetik sailkatu dira, hurrenez hurren, Etxahun Lekue (502 puntu), Ibon Ajuriagojeaskoa (468,5), Ander Elortegi (462,5), Txaber Altube (457) eta Arrate Illaro (455). Lekue ere, lortu duen puntuazioari esker, finalean izango da.

Gaurko puntuazioak kontuan hartuta, hilaren 15eko Bilboko Miribillako Bilbao Arenan jokatuko den finalean arituko dira, Amuriza, Ibarzabal eta Uriaren ondoan, Xabat Galletebeitia, Lekue, Onintza Enbeita, Eneko Abasolo eta Aitor Bizkarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koldo Biguri, Garazi Arrula eta Massimo Carlotto —pantailan—, gaur, liburuaren aurkezpenean. ©Iñigo Uriz / Foku

Italiaren erraiak, beltzez

Ane Eslava

Koldo Bigurik euskaratu du Massimo Carlottoren 'Agur, maitea, ikusi arte' nobela, eta Txalapartarekin argitaratu. Lanak Italiako boterearen eta kriminalitatearen arteko harremana islatzen du.

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.