Durangoko Azokako antolatzaileak gustura agertu dira lortutako emaitzarekin. Gerediaga Elkartearen esanetan, azoka "orekatua" izan da aurtengoa; bai egunez egun izan duen bisitari kopuruarengatik, baita azokako guneek izan duten harrerarengatik ere. Azoka "anitza, baikorra eta arrakastatsua" izan dela nabarmendu dute.
Azokako ateak itxi aurretik, datorren urtekoak zein egunetan zabalduko dituen jakinarazi zuten. 2019an, abenduaren 5etik 8ra izango da azoka Durangon.
Argitaletxeak eta diskoetxeak ere pozik agertu dira bisitari kopuruarekin eta salmentekin. Beste urte batez, leporaino bete dute kulturazaleek Landako.
