INDARKERIA MATXISTA

Sanferminetako erasotzaileak kartzelan sartzeko eskatuko du biktimaren abokatuak ere

Miguel Angel Moran abokatuak azpimarratu du azken epaiak "indartu" egin dituela auzipetuak espetxeratzeko motiboak.

Mugimendu feministaren protesta, joan den ekainean, Nafarroako Auzitegiaren aurrean.
Mugimendu feministaren protesta, joan den ekainean, Nafarroako Auzitegiaren aurrean. IÑIGO URIZ / FOKU

Ion Orzaiz -

2018ko abenduak 10

Iragan ostiralean Nafarroako Fiskaltzak egin bezala, sanferminetako bortxaketaren biktimaren defentsak ere eskaera egin dio Nafarroako Probintzia Auzitegiari: kondenatutako bost erasotzaileak espetxean sar ditzala.

Auzipetuak ekainetik daude libre, bermea ordainduta; Miguel Angel Moran abokatuaren ustez, ordea, Auzitegi Nagusiak bederatzi urteko espetxe zigorra berretsi izanak "indartu" egin du horiek kartzelatzeko motibazioa: "Auziaren inguruabarrak ez dira aldatu, baina Auzitegi Nagusiaren epaiaz geroztik, motiboak indartu egin dira: Auzitegi Probintzialean, bi magistratu azaldu ziren zigorraren alde, eta beste bat, absoluzioaren alde; azken sententziaren ondotik, berriz, zazpi dira jada espetxeratzearen aldeko magistratuak".

Bestalde, ostiralean iragarri bezala, Nafarroako Fiskaltzak idazki bat aurkeztu du Nafarroako Probintzia Auzitegiaren Bigarren Aretoan, bost kondenatuak espetxeratu ditzatela eskatzeko. Auzitegi Nagusiak bederatzi urteko kartzela zigorra berretsi ostean, auzipetuek ihes egiteko arriskua handitu dela argudiatu du fiskalak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna