Jaka Horiak

Baionako gazte batek esku bat galdu du Poliziak jaurtitako granada baten ondorioz

26 urteko gazteak Jaka Horien protesta batean galdu zuen eskua, larunbatean, Bordelen (Okzitania).

Frantziako polizia Jaka Horiei aurre egiten, joan den larunbatean, Parisen.
Frantziako polizia Jaka Horiei aurre egiten, joan den larunbatean, Parisen. IAN LANGSDON/EFE

Berria -

2018ko abenduak 10

Antoineri eskuineko eskua moztu behar izan diote, Poliziak jaurtitako granada batek eskuan lehertu ostean. Frantziako France Inter irratiak jakinarazi duenez, gaztea Jaka Horien manifestazio batean parte hartzen ari zen, Bordelen, eta hanka artean objektu bat ikusi zuen. Poliziari bueltan jaurtitzeko hartu zuen, eta eskuan lehertu zitzaion.

Berehala ospitalera eraman behar izan zuten, eta medikuek eskuineko eskua moztu behar izan diote.

Antoainek adierazi du salaketa jarriko diola Poliziari, granadaz zauritu zituzten beste sei lagunekin batera. "Salaketa jarriko dut, aurrera jarraitu ahal izateko gutxienezko justizia behar dudalako eta zauria eragin didan arma zein den jakin", adierazi dio France Inter irratiari. Antoinek gaineratu du onartezina dela arrautzak jaurtitzen dituztenei poliziak lehergaiekin erantzutea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna