Banda Bassottik berak sare sozialetan iragarri duenez, hil egin da Angelo Conti Sikaro taldeko gitarra jotzaile, abeslari eta sortzaileetako bat. 62 urte zituen. Komunikabideek zabaldu dutenez, "gaixotasun labur" bat izan du.
Italiako taldeak lotura handia izan du Euskal Herriarekin. Avanzo de Cantiere hirugarren diskoa, esate baterako, Esan Ozenki diskoetxeak argitaratu zion 1994an, Gora Herriak zigiluaren bidez. 1990eko hamarkadan, kontzertu ugari eman zituen Banda Bassottik Negu Gorriarekin.
Eraikuntzan aritzen ziren langile batzuek sortu zuten taldea, 1991an. Bereizi egin ziren 1996an, eta berriz elkartu 2000. urtean.
