Berri Txarrak-ek haren hogeigarren urteurrena bete zuen 2014an, eta hori ospatzeko "zerbait berezia" egitea pentsatu zuen. 20 urte 20 abesti leloa abiapuntu hartuta, lanean jarri ziren Gorka Urbizu, David Gonzalez eta Galder Izagirre: Denbora da poligrafo bakarra diskoa kaleratu zuten. Urte berean aurkeztu zuten Iragana aurretik dokumentala, disko haren sorkuntza eta grabaketaren zertzeladak jasotzen dituen lana.
Horrez gain, Gorka Urbizuri egindako elkarrizketa biltzen du, baita hogei urteko ibilbideko irudiak eta bideoak ere, batzuk ordura arte argitaratu gabeak. Dokumentalak Lekunberri (Nafarroa) du agertoki nagusi, bideoaren lehen zatian. Hain justu, Berri Txarrak taldearen "epizentroa" izan dena.
Ideia, gidoia, grabazioa eta ekoizpena Berri Txarrak, Dijitalidadea, Badok, BERRIA eta Debolexen arteko elkarlanean garatu zen.
