G7 Miarritzen

Polizia gomazko pilotekin oldartu zaie Miarritzen manifestariei, eta zaurituak eragin ditu

Manifestariek Poliziaren itxitura hautsi dute, eta Clemenceau plazan sartzea lortu. Polizia oldartu egin zaie, eta hondartzan ere izan dira istilu gehiago.

Berria -

2018ko abenduak 18

Emmanuel Macron Frantziako presidentea ez da izan gaur Miarritzen G7koen bilera prestatzeko bileran, baina horrek ez ditu istiluak eragotzi. Protesta egitera joan dira G7 Ez plataformako kideak, eta, Poliziak herriko etxearen ingurua itxi badu ere, manifestariek aurrera egin dute, eta Frantziako Poliziak haien aurka egin du. Ekhi Erremundegi BERRIAko kazetariak zuzenean eman du gertatukoaren berri.

Jean Yvres Le Drian Europako eta Kanpo Aferetako ministroak ordezkatu du Macron gaurko bileran. Protestak eta tentsioa eragin ditu, dena den, etorrera horrek ere. 12:30ean Clemenceau plazan elkartzeko deia egin zuten G7 Ez plataformako kideek, baina Miarritze erdigune guztia poliziek itxita zegoen gaur goizetik.

Militanteak itzulika aritu dira nondik hurbil zitezkeen ikusteko, eta azkenean, aurrera egin dute. Clemenceau plazara hurbildu direnean, hesi bat zuten parean, eta poliziak ere bai. Tentsio une batzuen ondoren, plazara sartzea lortu dute, baina poliziak oldartu egin zaizkie segidan. Clemenceau plazan protesta egin ondoren, hondartza aldean ere izan dira istiluak. Gomazko pilotekin aritu da Polizia, eta zaurituak ere eragin ditu.

30 bat eragile biltzen ditu elkarretaratzera deitu duen plataformak, eta Bizi mugimenduak ere Macron persona non grata izendatzera deitua zuen. Moblizazioan zen Mattin Ihidope Biziko kidea ere: "Jin gara adieraztera gobernamendu horrek ez duela ezer egiten klimaren alde, eta aberatsen etekinak beti atxikitzeko eta mantentzeko ari dela, eta salatzera G7 ez dugula hemen nahi, Miarritzen", adierazi du Ihidopek: "Ez dugula onartzen gobernantza modu gisa, aberatsek aberatsenendako erabakitzen baitute".

"Setio egoera" salatu du Aitzinaren bozeramaile Aitor Servierrek ere: "Hastapen batean Macron etortzekoa zen, baina bere ministro bat igorri du aurpegia ematera. Agerikoa da Macronek zilegitasun krisia bizi duela, eta Euskal Herriko mobilizazioari beldur ziola. Ikusi dugu nolako setio egoera gertatu den; hiria poliziek harturik, manifestariak manifestatzeko eskubiderik gabe, sekulako oldarraldiekin. Gaur egin dezakegun galdera da zer gertatuko den agorrilean".

Sindikatuen eta Jaka Horien deialdiak ere espero ziren. Jaka horidunak ere aritu dira gaur protestan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna