Egipto

Gizako piramideetara zihoan autobus bati eraso diote lehergailu batekin

Egiptoko Barne Ministerioaren arabera, gutxienez bi turista hil dituzte atentatuan.

Atentatua Egipton.
Atentatua Egipton. Mohamed Hossam/EFE.

Berria -

2018ko abenduak 28

Egiptoko Gobernuak adierazi duenez, Gizako piramideetatik gertu, bide bazterrean zegoen lehergailu bat zartarazi dute turisten autobus bat ondotik igaro denean. Barne Ministerioak jakinarazitako lehen datuen arabera, bi pertsona hil dituzte, eta hamalau inguru zauritu dituzte. Iturri horren arabera, hildako eta zauritu guztiak Vietnamgo herritarrak dira.

Kairotik hurbil dago Giza, eta Egiptoko gune turistiko nagusietako bat da.

2011ko matxinadaz geroztik handitu egin da Egipton muturreko talde islamisten atentatu kopurua. Gehienbat estatuko indarrak eta gutxiengo koptoa izan dituzte jomugan. Duela bi urte egin zuten turisten aurkako azken erasoa. Helburu hori izan duen atentaturik handiena, berriz, 1997an egin zuten, Luxorren. 62 pertsona hil zituzten, gehienak atzerriko turistak. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna