Hainbat herritarren kexa jaso du Hondarribiko Udalak, Espainiako uso mezularien erakusketarako udal pilotalekua nola atonduta zegoen ohartu direnean. Espainiako banderaz bete dute antolatzaileek frontoia, eta berehalakoa izan da erreakzioa. Udalak Espainiako banderak erretiratzeko eta haien ordez ikurrinak jartzeko eskatu die. Antolatzaileek aldatu egin dute pilotalekuaren dekorazioa.
Hala geratu da Jostaldi pilotalekua. Eskerrikasko zuen interesagatik. pic.twitter.com/DRCfHMCGdQ
— Hondarribiko Udala (@HondarribiaUdal) 2019(e)ko urtarrilaren 10(a)
Espainiako Usozale Federazioak antolatu du erakusketa Hondarribian. Hilaren 8tik 13ra bitartean, uso mezulariak ikusgai izango dira, eta Espainiak Olinpiar Jokoetara bidaliko duen taldea aukeratzeko jardunaldia egingo dute.
Uso mezulariaren talde olinpikoa hautatuko da, Hondarribian ospatuko den usoaren XLIV. jardunaldian. @antxetairratiapic.twitter.com/AmFwguFw52
— Peli Lekuona (@PeliLekuona) 2019(e)ko urtarrilaren 9(a)
Twitterren Hondarribiko Udalari galdetu diote ea ez duen teknikari batek gainbegiratzen udal eraikin batean egiten den ekitaldi oro, eta udalak erantzun dio baietz, hala egiten dutela baina horretaz arduratzen den udal langilea oporretan zela Espainiako banderak jarri dituztenean.
Hala da bai. Gertatzen dena, kasu honetan departamentu konkretu horretan ardura hori daukan langilea bere legezko opor garaian dabilela. Milesker zure interesagatik.
— Hondarribiko Udala (@HondarribiaUdal) 2019(e)ko urtarrilaren 10(a)
