Ikurrak

Espainiako banderaz bete dute Hondarribiko pilotalekua, eta udalak kentzeko eskatu du

Espainiako uso mezularien erakusketarako jarri zituzten Espainiako banderak, eta jada aldatu dute dekorazioa.

Berria -

2019ko urtarrilak 10

Hainbat herritarren kexa jaso du Hondarribiko Udalak, Espainiako uso mezularien erakusketarako udal pilotalekua nola atonduta zegoen ohartu direnean. Espainiako banderaz bete dute antolatzaileek frontoia, eta berehalakoa izan da erreakzioa. Udalak Espainiako banderak erretiratzeko eta haien ordez ikurrinak jartzeko eskatu die. Antolatzaileek aldatu egin dute pilotalekuaren dekorazioa.

Espainiako Usozale Federazioak antolatu du erakusketa Hondarribian. Hilaren 8tik 13ra bitartean, uso mezulariak ikusgai izango dira, eta Espainiak Olinpiar Jokoetara bidaliko duen taldea aukeratzeko jardunaldia egingo dute.

Twitterren Hondarribiko Udalari galdetu diote ea ez duen teknikari batek gainbegiratzen udal eraikin batean egiten den ekitaldi oro, eta udalak erantzun dio baietz, hala egiten dutela baina horretaz arduratzen den udal langilea oporretan zela Espainiako banderak jarri dituztenean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna