Albistea entzun

Kongoko hauteskundeak

Tshisekedi oposizioko hautagaiak irabazi ditu hauteskundeak Kongon

Goizaldean eman dituzte abenduaren 30ean egin ziren hauteskundeen emaitzak. Tshisekedik adierazi du "kongoar guztientzat" aginduko duela.

Felix Tssekedi oposizioko UDPS alderdiko buruaren jarraitzaileak, haren garaipena ospatzen, Kongoko Limete hirian.
Felix Tssekedi oposizioko UDPS alderdiko buruaren jarraitzaileak, haren garaipena ospatzen, Kongoko Limete hirian. HUGH KINSELLA CUNNINGHAM/EFE

Kristina Berasain Tristan -

2019ko urtarrilak 10 13:12

Kongoko Errepublika Demokratikoak badu presidentea. Felix Tshisekedi nagusitu da abenduaren 30ean egindako hauteskundeetan. Hauteskunde Batzordeak gaur goizaldean jakinarazi du oposizioko hautagaiak botoen %38 eskuratu dituela. Garapen eta Aurrerapen Sozialerako Batasuneko alderdi historikoaren buruzagiak "kongoar guztientzako" aginduko duela adierazi du emaitzen berri izan ostean. Berez urtarrilaren 6an ziren emaitzak ematekoak, baina hainbat egunez atzeratu da jakinarazpena.

Tshisekedi Kongoko lehen ministro izandako eta oposiziko buruzagi historiko baten semea da; Etiennne Tshisekedirena. Joseph Kabila presidentearen lekukoa hartuko du orain haren semeak. Kabilak ia hemezortzi urte igaro ditu boterean. 2016ko abendutik boterean gotortuta egon da, eta legez kanporatu dute agintetik, izan ere, konstituzioak debekatzen du presidente berak hiru agintaldi egitea. Kabilaren alderdiko hautagaia hirugarren lekuan geratu da; Emmanuel Ramazani Shadaryk botoen %24 eskuratu ditu. Barne ministro izandako hautagai ofizialistak agindu zuen irabaziz gero «Kabilaren ondarea» defendatuko duela. Martin Fayuluk, baina, aurrea hartu dio Ramazaniri. Oposizioko hautagaiak botoen %35 lortu ditu. Fayulu eta Tshisekedi alderdi berean aritu dira, baina azken honek azaroan erabaki zuen koaliziotik ateratzea. Lamuka aliantzaren zerrenda burua zen Fayulu.

Kinshasako kaleetan oposizioko buruzagiaren garaipena ospatzera atera dira herritarrak. Martin Fayuluk, baina, ez ditu emaitzak ontzat eman. Kongoko eta nazioarteko hainbat erakundek zalantzan jarri dituzte emaitzak, tartean Frantzia. Apezpikuen Konferentzia Nazionalak "benetako emaitzak" argitaratzeko eskatu dio Hauteskunde Batzordeari. Aurrerantzean eta indarkeria saiheste aldera umiltasunez eta zintzotasunez aritzeko eskatu die ere politikariei. Azken asteotan dozenaka pertsona hil dira etnien arteko borroketan. Herrialdeko hiru probintziatan, berriz, martxora arte atzeratu zituzten bozak, osasun eta segurtasun arrazoiak argudiatuta. Beni, Butembo eta Yumbi hiriei eragin die neurriak, eta, hain zuzen, oposizioaren gotorlekuak dira hirurak.

Kongoko Errepublika Demokratikoak 70 milioi biztanle ditu. Herrialdean berrehun talde etniko baino gehiago daude, gehienak bantuak. Lau talde etniko handienak luba, kongo, mongo (bantuak guztiak) eta mangbetu-azande dira. Kongo Belgikaren kolonia izan zen 1885etik 1960ra arte. Baliabide naturalei dagokienez, munduko herrialderik aberatsenetakoa da, baina hango herritarrak munduko txiroenetakoak dira. 1996 eta 2003 arteko bi gerra zibilak izan dira II. Mundu Gerraz geroztik biktima gehien eragin duten gatazkak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Salomon Uharteetako lehen ministro Manaseeh Sogavare eta Anthony Albanes Australiakoa, Canberran egindako batzarrean. ©LUKAS COCH / EFE

Salomon Uharteetako lehen ministroak esan du herrialdeak ez duela «inoiz» atzerriko base militarrik onartuko

Mikel O. Iribar

Australiako lehen ministro Anthony Albanesekin batzartu da Manaseeh Sogavare, Canberran. «Bakearen aldeko konpromisoa» berretsi dute.

Greziako kostazainen ontzi bat, Kardamena portuan amarratuta, Kos uhartean. ©HELLENIC COAST GUARD / EFE

Hemezortzi etorkin hil dira Greziako uretan, bi txalupa hondoratu ostean

Mikel O. Iribar

Atenasek Ankarari eskatu dio «berehalako neurriak» hartzeko, baita EBri ere. IOMen arabera, 2.100 errefuxiatu hil dira Egeo Itsasoan 2014tik.

Von der Leyen Europako Batzordeko presidentea , Macron Frantziako presidentea eta Michel Europar Kontseiluko presidentea. ©OLIVIER HOSLET / EFE

Europan «komunitate politikoa» hedatzeko goi bilera egingo dute

Gorka Berasategi Otamendi

Lehen bilera egingo du gaur Europako Komunitate Politikoak, Pragan. Atzerri gaiei buruzko foro bat izatea du helburu, EBren eta haren inguruko herrialdeen arteko «elkarlan politikoa» sustatzeko

 ©DIEGO AZUBEL / EFE

Polizia ohi batek gutxienez 34 pertsona hil ditu Thailandiako haurtzaindegi batean

Mikel O. Iribar

Besteak beste, 23 haur hil ditu. Agintarien arabera, erasotzaileak bere emaztea eta hiru seme-alabak ere hil ditu; ondoren, bere buruaz beste egin du. Thailandiako lehen ministroak agindu du erasoa «lehenbailehen» ikertzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...