Noiz sortua: 2019-01-11 16:30:28

Euskara

Euskaltzaindiak 'bokata', 'kontainer', 'manifa', 'lotesle', 'txikiteo' eta beste 450 bat hitz berri arautu ditu

Azkeneko sei hilabeteetan onartutako erabakiak aurkeztu ditu euskararen akademiak. Urte osoan ia mila hitz berri arautu ditu. Euskaltzaindiaren hiztegiak ia 39.000 sarrera dauzka, horrela.

Euskara Batuaren eskuliburua aurkeztu zuen Euskaltzaindiak Arantzazun (Gipuzkoa), urrian.
Euskara Batuaren eskuliburua aurkeztu zuen Euskaltzaindiak Arantzazun (Gipuzkoa), urrian. Luis Jauregialtzo/Foku

Berria -

2019ko urtarrilak 11

Azkeneko urteetan aldatu egin du Euskaltzaindiak joera, eta argoteko eta ahozkoan erabili bai baina Hiztegi Batuan agertzen ez ziren hitz berri asko hasi da onartzen eta arautzen. Horren adibide dira gaur bertan jakinarazi dituen 466 sarrera edo hitz berriak.

Onartutakoen artean, ahozkotik gertu dauden hitz asko, eta baita azkeneko urteetan ezagutu edo zabaldu diren batzuk ere: okupa, sikiera, jopuntu, autogestionatu, inpunitate, irismen, jonki, kebab, klenbuterol, kolageno, komite, korner, luntx, menstruazio, bokata, kontainer, manifa, lotesle, txikiteo, lobby, skater, turbulentzia, underground, ziklogenesi. Albiste honi atxikitako dokumentuan kontsultatu daitezke berrikuntza guztiak.

Euskaltzaindik berak azaldu du 2017tik hona urtean bitan sareratzen dituela berrikuntzak. Azkeneko sei hilabeteetan egindako aldaketak aurkeztu ditu orain, beraz. 466 hitz edo sarrera berri arautzeaz aparte, 392 azpisarrera berri ere arautu ditu. Horiez aparte, 462 sarrera moldatu, zuzendu edo egokitu egin ditu.

Gaur egun, 38.878 sarrera eta 7.302 azpisarrera ditu arautuak Euskaltzaindiak, eta haren hiztegiak 63.507 adiera ditu. 2016ko urrian jarri zuen hiztegia Interneten, eta harrezkero berritzen aritu dira etenik gabe. Urte osoan 983 sarrera eta 557 azpisarrera gehitu ditu erakundeak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Gallartako agerraldiaren irudia, Josu Erkorekaren Twitter kontuan agertua ©@Jerkoreka

Urkulluk Euskal Herri osoan ibiltzea baimentzeko eskatu die Frantziari eta Espainiari

Gotzon Hermosilla

Jaurlaritzak espero du Araba, Bizkaia eta Gipuzkoa hirugarren fasera pasatuko direla astelehenetik aurrera.

Adegiko zuzendaritzako kideak, gaurko agerraldian. ©ANDONI CANELLADA / FOKU

Adegi bat dator ELArekin erregulazioan daudenen soldata osatzeko

Xabier Martin

Osatze horiek egin ahal izateko finantzaketa, ordea, ez du nahi "bakarrik enpresaren bizkar uztea". Ekonomia %7 eta %10 artean uzkurtuko dela aurreikusi du Gipuzkoako patronalak, eta azken bi urteetan sortu diren 12.000 enpleguak galdu egingo direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna