Musika

Iñaki Garmendia 'Laja' trikitilaria hil da

Ramon Zubizarreta 'Landakanda' pandero jotzailearekin batera, Laja eta Landakanda trikitilari bikotea osatu zuen urte askoan. Joan den igandean ondoezik sentitu zen Aristerrazun, eta, astebete ospitalean eman ondoren, gaur eguerdian hil da.

Iñaki Garmendia 'Laja' trikitilaria, 2009ko argazki batean.
Iñaki Garmendia 'Laja' trikitilaria, 2009ko argazki batean. Andoni Canellada / Foku

Erredakzioa -

2019ko urtarrilak 12

Oso umetan hasi zen trikitia jotzen Iñaki Garmendia Laja (Azkoitia, Gipuzkoa, 1944). Plazaz plaza giroa alaitzen jardun zuen gerora urte askoan; horietako askotan, Ramon Zubizarreta Landakanda pandero jotzailearekin batera, Laja eta Landakanda trikitilari bikotea osatuta. Maxixatzen Azkoitiko atariak jakinarazi duenez, joan den igandean ondoezik sentitu zen Aristerrazun, eta ospitalean eman du azken astea. Gaur eguerdian hil da.

Iazko ekainean Aristerrazun bertan omenaldia egin zioten trikitilariari, denboraldiko azken erromerian. Haren ibilbideari aitortza egin zioten antolatzaileek.

Euskal Herriko Trikitixa Elkarteak Laja, trikitixaren zubia liburua eman zuen argitara 2016an; Joxemari Iriondok idatzi zuen Lajaren biografia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna