Euskara

Txillardegirentzako aitortza eskatu dute Donostian, haren heriotzaren urteurrenean

Jose Luis Alvarez Enparantza Txillardegiri omenaldia egin dio Txillardegi Liburutegia herri ekimenak. Jean-Louis Davant euskaltzain zuberotarrak euskara batuaren aitatzat aitortu du.

Jose Luis Alvarez Enparantza 'Txillardegi'-ren omenezko ekitaldia, gaur, Donostiako Antigua auzoan. /
Jose Luis Alvarez Enparantza 'Txillardegi'-ren omenezko ekitaldia, gaur, Donostiako Antigua auzoan. / Gorka Rubio/Foku

Berria -

2019ko urtarrilak 14

Jose Luis Alvarez Enparantza Txillardegi hil zela zazpi urte bete dira gaur eta, urteurrenaren harira, hainbat euskaltzale bildu ziren atzo Donostiako Antigua auzoan, hura gogoratzeko. Aldi berean, harentzako aitortza ofiziala eskatu dute. “Batez ere, Donostiako Udalak zor dion aitortza errebindikatu nahi dugu”, nabarmendu du Txillardegi Liburutegia herri ekimeneko presidente Fito Rodriguezek.

Omenaldian parte hartu dutenek bertatik bertara bisitatu dituzte Txillardegik txikitan ezagutu eta Antigua 1900 liburuan aipatu zituen hainbat leku. 11:00etan hasi zuten ibilbidea. 13:00etan, berriz, Txillardegi etxea zegoen plazan, ekitaldia egin zuten. Iaz, euskaltzalearen oroimenez margotu zuten horma irudiaren aurrean bildu dira.

Jean-Louis Davant euskaltzain zuberotarrak hitz batzuk eskaini dizkio Txillardegiri. Davant euskara batuaren sorreraren lekuko zuzena izan zen, parte hartu baitzuen 1963an eta 1964an Baionan egin ziren bileretan. Txillardegi euskara batuaren aitatzat aitortu du. "Txillardegiri etiketa bat jartzekotan, poliaintzindaria zela erran nezake, zeren aitzindaria izan zen lauzpabost alorretan : frankismo denborako abertzale berria, sozialista librea, Iparraldekoen lagun goiztiarra, idazle polifazetikoa, bide berrien urratzailea", adierazi du Davantek.              

      

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna