Goizeko 5:45etarako dozenaka manifestari zeuden Monsanto enpresaren Peyrehoradeko egoitzan (Okzitania). Jaka horiak soilean, manifestariek enpresako lau sarrera itxi dituzte lehen ordutik, eta entzungor egin diete jendarmeek handik joateko egindako eskaerei.
Bizi mugimenduak zabaldu duenez enpresak "ingurumenari eta osasunari egiten dion kaltea salatzea" izan da protestaren helburua. 11:00ak aldera jendarmeak lau sarrerak irekitzea lortu dute eta horretan gelditu dute ekintza jaka horiek.
Goizeko 5ak45etatik, txaleko horiek Peyrehorade-eko Monsanto lantegiaren 4 sartzeak blokatzen dituzte. Urgentzia ekologiko, sanitario eta soziala, ber borroka! Zatozte, irauteko abiatuak gira! pic.twitter.com/QKSf5XdEBM
— Bizi ! (@bizimugi) 2019(e)ko urtarrilaren 14(a)
Protestetan parte hartu dute Bizi eta Greenpeace mugimendu ekologistako ekintzaileek ere. Besteak beste, glifosato pestizidak ekoizten ditu Monsantok.