Langile bat hil da arratsaldean Martzillako Exkal enpresan (Nafarroa). Hildakoak 25 urte zituen, eta elektrikaria zen. Iruñeko eta Tafallako poliziak joan dira lantegira istripua nola gertatu den ikertzera, baina ez dute argibide publikorik eman.
Exkal Martzillako El Campillo industrialdean dago, saltokietarako hozkailu industrialak egiten ditu, eta TEIM taldekoa da.
Enpresa horretako langile batzordeak grebara zuen deitua ostiralerako, baina bertan behera utzi du, eta elkartasuna adierazi dio hildako lankidearen familiari . Ikerketa "zorrotz" bat egiteko eskatu du.