ETBko telesaila, antzezlana eta Euskal Herriko neska-mutiko askorentzat fenomeno da Go!azen. Herriz herri dabiltza aktoreetako batzuk antzezlanarekin, arrakasta handiarekin.
Abenduaren 8an, Altsasura (Nafarroa) eraman zuten antzezlana. Eta emanaldiaren amaieran, Aurrera Altsasu abestia kantatzeari ekin zioten —Pello Reparazena da doinua, eta Jon Maiarenak hitzak—. Iortia kulturgunean ziren ikusleek hunkituta abestu zuten kanta, aktoreekin batera. Altsasuko auziko gazteekin elkartasuna adierazi zieten hainbat euskal musikarik kanta horren bideoklipean. Eta Go!azen-eko aktoreek ere keinu berezia izan zuten haientzat abenduko emankizunean.
Antzezlaneko aktoreen artean Ainhoa Larrañaga gaztea dago, eta harekin egindako elkarrizketa bat argitaratuko du BERRIAk igande honetan.