Jaka Horien haserreari erantzuteko neurria iragarri du Frantziako Gobernuak. Frantziako autobideak kudeatzen dituzten enpresa emakidun guztiek deskontuak egingo dizkiete ohiko erabiltzaileei. Hilean, gutxienez, hamar bidaia egiten dituztenei egingo diete deskontua: %30 murriztuko zaie kostua kasu horietan.
Ipar Euskal Herrian, bi ordainlekutan izango du eragina neurriak: A-63 autobideko Hendaiako eta Miarritzeko ordainlekuetan (Lapurdi). Horrez gain, A-64 autobidean, Gixune (Lapurdi) ondoan dagoen Samatzeko (Okzitania) ordainlekuan ere nabarituko dute merkatzea euskal herritar askok.
Iragarritako deskontua bateragarria izango da indarrean dauden gainerakoekin.
Neurriak herritarren erosteko ahalmena hobetzea du helburu, gobernuaren esanetan. Autopisten merkatzea da Jaka Horien protestetan Frantziako Gobernuari egin dioten eskakizunetako bat.