Maravillas gaztetxea

Batzokiaren aurkako erasoa salatu dute Altsasuko EAJk eta Geroa Bai koalizioak

Atea "hormatu" diote Altsasuko batzokiari, eta Maravilllas gaztetxearen aldeko margoketak egin dituzte. EAJk iragarri du salaketa jarriko duela. Geroa Baik adierazi du aldaketaren kontrako erasoak direla.

Altsasuko batzokiaren itxura, gaur goizean. /
Altsasuko batzokiaren itxura, gaur goizean. / Altsasuko EAJ.

Berria -

2019ko urtarrilak 18

Azken egunetan batzoki batean baino gehiagotan egin dituzte margoketak Iruñeko Maravillas gaztetxearen hustea salatzeko. Gaur, Altsasuko EAJk salatu du batzokiaren aurkako erasoa. Argazki batean ikus daitekeenez, harriz eta hormigoiz "hormatu" diete atea, eta margoketak egin dituzte ondoan: "Uxue, utzi gaztetxeak bakean. Hormatu zuen batzokiak". Okupazioaren ikurra ere egin dute.

"Eraso hau irmoki gaitzesten dugu", adierazi du Altsasuko EAJk Twitterren: "Eraso honek gure alderdiaren eta honen parte diren gizon eta emakumeen kontra dagoen jazarpena agerian uzten du". Geroa Baik ere salatu du "beste eraso bat" jasan dutela koaliziokide jeltzaleek: "Eraso onartezina da, eta ez da bakarrik gure koalizioaren aurkakoa, aldaketaren aurkakoa da". Urtarrilaren 8an ere salatu zuen Altsasuko EAJk margoketak egin eta pintura bota zietela batzokira.

Azken egunetan, Nafarroatik harago ere egin dituzte margoketak batzokietan. Besteak beste, Arrasaten (Gipuzkoa) egindakoak salatu ditu alderdi jeltzaleak.

Atzo, Iruñean, Labrit kalea moztu zuen gazte talde batek, eta bi lagun bidoi batera kateatu ziren, gaztetxearen hustea salatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna