Noiz sortua: 2019-01-19 13:03:45

Katalunia

Omnium Cultural: "Estatua akusatuko dugu"

Epaiketaren atariko, bideo bat egin dute Kataluniako hainbat pertsona ezagunek, #JoAcuso (Salatzen dut) leloa erabiliz, buruzagi independentisten aurkako auzia salatzeko.

Berria -

2019ko urtarrilak 19

"Hemen gaude gauza xume bezain zilegi bat egiteko: demokraziarekiko geure konpromisoa berrestea. Iritsiko baita eguna ezingo dutena gehiago, eta orduan dena dugu posible", esanez hasi dute Omnium Cultural elkarteak egindako bideoa: "Espetxeratu egin dituzte, baina ideiak ezingo dituzte inoiz kartzelan sartu. Ideiak lehengoan ditugu, baita duintasuna ere. Ez dugu indulturik onartuko, absoluzioa bakarrik". #JoAcuso (Salatzen dut) leloa jarri diote aldarriari, Emile Zola idazlearen J'accuse…! artilulu ezaguneko goiburuari aipu eginez. Euskal Herrian ere erabili izan da lelo hori, esaterako, 18/98 auzian.

"Ez gara defendatuko, estatua akusatuko dugu. Ez dugu ahazten, herria gara", esan dute Omnium Culturalen bideoan parte hartu dutenek. Kameren aurrean jarri dira, besteak beste, Xavier Antich, Marina Llansana eta Marcel Mauri Omniumeko kideek, Jaume Asens Bartzelonako hirugarren alkateordeak, PDeCAT, ERC eta CUP alderdietako kideek, Pilar Calvo eta Toni Soler kazetariek, Silvia Bel eta Pep Cruz aktoreek...

Batzuk Madrilen, besteak Katalunian

Abendu amaieran Espainiako Auzitegi Gorenak erabaki zuenez, Madrilen epaituko dituzte Oriol Junqueras, Carme Forcadell, Jordi Sanchez, Jordi Cuixart, Raul Romeva, Joaquim Forn, Jordi Turull, Josep Rull, Dolors Bassa, Santi Vila, Carles Mundo eta Meritxell Borras, prozesu subiranistaren harira matxinadagatik edo diru publikoa bidegabe erabiltzeagatik, edo biengatik.

Lluis Guino, Lluis Corominas, Anna Simo, Joan Josep Nuet eta Ramona Barrufet Kataluniako Parlamentuko Mahaiko kide kargugabetuen eta Mireia Boya CUPeko diputatu zenaren auzia, berriz, Kataluniako Auzitegi Nagusiaren esku dago. Desobedientzia egozten diete azken horiei.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna