2.000 metro karratu plastiko, kautxu eta aluminiok su hartu dute, goizaldean, Calahorran. Suteak hodei toxiko bat eragin du, eta erakundeek ohartarazi dute arriskua dagoela mendebaldeko haizeak hodei hori Nafarroako Erriberara eramateko. Momentuz, baina, ez dirudi hala gertatuko denik. Haizea ipar-ekialdetik ari da jotzen eta 18:00ak ingurura arte horrela jarraituko duela diote iragarpenek.
Nafarroako Babes zibilak abisua eman die Lodosako, Azagrako, San Adriango eta Andosillako udalei. Etxeko leihoak ez irekitzeko eskatu diete bizilagunei, eta ingurua uztea gomendatu diete arnasketa arazoak dituztenei.
Suhiltzaileak inguruan dira, airean zenbateko kutsadura dagoen neurtzeko.
Errioxako suhiltzaileek lanean jarraitzen dute Calahorrako birziklatze guneko sutea itzaltzeko. Aurreratu dutenez, egun osoan jardun beharko dute sua itzaltzeko.
SOS Rioja, @SOSRioja
